ألحق نفسك خواطر رامى الجنزورى
كنت ماشى بالصدفة و قبلتة قولتلة:
مشتاق ....وحبيبى غاوى فراق
قالى : نفض يا بنى لليبيعك و كفاية بقى غباء
لأمتى هتفضل باقى على ناس نسيوا الأشواق
تمر الأيام و السنين و يضيع عمرك هباء
تحرقك نار الحنين و هما فى سعادة ورخاء
لأمتى هتفضل كدة على حالك راضى
كل يوم بيفوت شبابك فية بيموت و أنت ولا دارى
الدنيا بتجرى حواليك و أنت كل اللى عليك
تحلم و تستنى حبيب خيالى
ركب قطر الحياة و راح لحالة
و انت فى محطة بتغنى موالة
بتعمى نفسك ولا مشفتوش و هو راحل
ولا مرضك بية عدى كل المراحل
وهمك طال عماك خلاك تحلم بية فى شكل الملاك
تصحى بألف سؤال جواك حافظ عليك ولا رماك
يا بنى دة إنسان و بشر
و النسيان حكم القدر
زمانة عاش و خاطرة أنجبر
و أنت ضايع عمرك هدر
و أهى سنة من شجرة عمرك راحت
و أنت لشبابك فى القبر فاحت
للدرجة دماغك خابت
دة مش شعر ولا كلام أغانى
دى خواطر لمرة واحدة متتعادش تانى
----------------
كلامة هزنى و فوقنى
ولاقيتة بعد و لوحدى سابنى
نسمة هوا غريبة هزتنى
الفرصة مراحتش ... وهلحق نفسى !!!
| 
