شعبة هفية خواطر رامى الجنزورى
(هذة الخاطرة تم تدوينها فى سنة 2010 قبل ثورة 25 يناير أعتراضا على سلبية الشعب ضد الظلم)
إذا كانت البنية الأساسية .. لجمهورية مصر العربية .. بقت فنطازية
شوية عليك و شوية علية .. و أفتح الدرج أرمى المية
الحياة تبقى وردية .. و مصالحك تبقى مقضية
و الإنتخابات البرلمانية .. يحكموها البلطجية
و يجملوها الأدارجية .. و الشعب فى الملوخية
طالع عينة على اليومية .. و ف طابور العيش من الفجرية ..و الطابور فية حرامية ..
يتخنق و يتخلق .. و ناس بالمليارات تفلق .. و الغلبان من أفاة يتعلق
و المكبوت لو يوم يبوق .. بقانون الطوارئ روحة تحلق
و الخبر مسجل خطر .. و النضيف فيها أتنطر
و المبدع فيها رقاص .. و الطيب فيها قرطاس
و أصبحت مصيدة .. العمر فيها أنقضى .. و إجبارى فيها الرضا
دى نتيجة السلبية .. و الهروب من الحقيقة المخزية
إننا شعب هفية .. و أديها ماشية العربية .. بس على فين مودية؟!!
| 
