جميل أوى لما الواحد يحس بالنعمة اللى ربنا أداها لية .. و هى حب الناس و أكتساب ثقتهم .. و الأجمل لما ربنا يكون مديك الضمير الحى عشان تصون الثقة دى ... ساعتها هتكون إنسان مميز من عند ربنا و تلاقى ألف من عايز يستغل الميزات دى سواء فى شغل أو فى علاقة إنسانية نصيحة منى لو حد حب يستغل الميزات دى فى علاقة أنسانية و حب فى الله إياك تسيبة خليك معاة ... أما لو كان عايز يستغلك فى شغل أو بزنس أحترس من الناس اللى عندهم حب تملك ... اللى يبقى عايز يشترى وقتك و مجهودك و يحتكرك لنفسة و لشغلة .. و يفضل يطحن فيك و ياخد منك أكتر ما بيديك .. حتى لو كان الثمن 1000 أو 3000 جنية فى الشهر ! قبل ما تقول (الله 1000 ولا حتى 1500 فى الشهر يا ريييت) أسأل هياخد منك إية ؟ ... ممكن يكون بيخيرك بين حلمك و بين الكام جنية دول .... و ممكن تقول (الظروف صعبة و الحال واقف) بس خلى بالك الرزاق فوق حى لا يموت ... ممكن تقول أشتغل كام شهر أجمعلى كام ألف ... بس ممكن تخسر ربعهم و لا نصهم أو تلاث أرباعهم و تبقى زى اللى أشتغل بأقل من نص مرتبك لما يخصم منك الخساير اللى هتعملها و الجزى نتيجة أن الشغل فوق طاقتك !! عموما اللى عايز أقولة من كل الكلام دة ... خلى بالك من الشخص اللى بيستغل ظروف السوق و الحال و عايز يمتلكك ... أة هو هيديك مرتب كويس بس اللى هياخدة منك مش هيتعوض !... خير الأمور الوسط .. أشتغل و أسعى و أتعب فى اللى أنت بتحبة مش فى اللى بتحب ثمنة!!
| 