فى منتدى جديد أسمة ... ولا أقولكم لا داعى لذكر أسمة المنتدى دة فعلا حبيت الأعضاء اللى فية كتير و الحمد لله لاقيت محبة منهم و أحترام كنت يوميا أدخل فية و أنزل القصص بتاعتى فية و الخواطر و كنت بخطط إنى أعمل دعاية لية عشان يتشهر .. و فعلا أخد منى مجهود حبا فى الناس اللى موجودة فية ... و من كتر قربى للأعضاء .. بعد إنشاء الموقع اللى أنتم بتقرأوا فية دلوقتى ... أتعملت دعوات خاصة بأسماء الأعضاء ... عبارة عن صور بتتبعت فى (رسالة خاصة للعضو) و بعت كمان للأداريين .. لأن مش هدفى الدعايا و إنما زى مناسبة بشارك فيها ناس بعتبرهم أصحابى و معرفة جميلة .... و فعلا دخل عندى 3 أعضاء و كتبوا رسائل هنا فى قسم (أترك كلمتك) رسائل رقيقة و جميلة جدا ... جيت أدخل المنتدى من ساعة أو أكتر لقيت .... معملولى حظر !! أتعملى حظر لمدة أسبوع عشان بعمل دعايا لموقع تانى !!! الغريب إن المنتدى دة أنا عرفتة من خلال رسالة خاصة فى أحدى المنتديات .. بنفس الأسلوب و طبعا كانت صدمة رهيبة ...لما تحس إن يتنسى كل المجهود اللى أنت عملتة و مواضيعك اللى بتنزلها و اللى كنت بتخطط تعملة و يتعملك حظر (يعنى منع من دخول المنتدى) !! عملت حساب تانى بنفس الأسم بتاعى .. و عملت موضوع بالرسالة اللى عايز أوصلها و كان فى المنتدى دة شات ... قرأت اللى ضحكنى فعلا ! عضوة محترمة بتسأل عليا .. لية يتعملى حظر ؟! ... رد مدير المنتدى ... أقولكم هعملكم كوبى للمحادثة .. مع الأعتذار على النسخ ... بس أنا محتاج أسجل المحادثة دى فى ذكرياتى
KinG R
المدير
panjare العضوة
[03-10, 17:59] KinG R اها موقوف اسبوه لانه بيعمل دعايا ولو عملها تانى هيبقى ايقاف نهائى
[03-10, 18:00] panjare اها اوک....
[03-10, 18:01] KinG R اسبوع اقصد
[03-10, 18:01] panjare بعنی موقوف بس مش کامل..؟
[03-10, 18:01] KinG R اسبوع بس لانه بيعمل دعايا لمنتدى تانى
[03-10, 18:02] KinG R هو المفروض يتوقف نهائى بس انا رحمته علشان هو عضو مميز
[03-10, 18:02] panjare هو دعایتو علی موقعه الشخصی.......
[03-10, 18:03] panjare هههههههههههههه...و الله کبیر...
[03-10, 18:03] panjare هو عنده خبر و لا لا...؟
[03-10, 18:03] panjare بس یا محمود هو دعایا ممنوع...؟
[03-10, 18:04] panjare بس نحن کمان ندعو الناس لمنتدانا... [03-10, 18:06] KinG R احنا ندعى لمنتدانا
[03-10, 18:06] KinG R لكن محدش من اعضاؤنا يدعى لمنتدى تانى ولا ايه ؟؟
ركزوا فى الجملة الأخيرة دى و شوفوا أبعادها اللى هى مؤشر لحاجات خطيرة جدا فى نفسية (شاب) مصرى ممكن يكون عمرة لا يتجاوز 23 سنة .. نسى المقولة (اللى مترضهوش على نفسك مترضهوش على غيرك) يعنى يا راجل تجيب ناس من منتديات تانية عشان تكبر منتداك ... و لما عضو عندك يبعت بنية صافية رسائل لعدد محدود من الناس لمشاركتة فى موقعة الشخصى تعمل حظر !! طب أنت يا أستاذ كنج بتلم ناس عشان منتداك يكبر و تزود المساحات الأعلانية و تعمل فلوس من وراة على حساب مجهود ناس مش بياخدوا أى حاجة سوى كلمات معسولة فى الردود على مواضيعهم (شكرا .. مشكور .. رائع ) .. لكن العضو اللى تعب فى منتداك تعمل حظر و عشان كرم أخلاق سعادتك خليتها أسبوع تأديب أقولك حاجة ... بالسلامة أنت و منتداك .. زى ما بيقولوا فى الأفلام الأجنبى (إذهب الى الجحيم) رد فعلك دة كشف عن حاجات جواك كتيرة جدا ... و بصراحة الحاجات دى مش فيك لوحدك ... فى أغلبية أبناء جيلك (المقهور) اللى عايز يمارس السيادة و التحكم فى الناس .. من كتر ما الناس بتتحكم فية ... و طبعا اللى بقولة دة من كلمة ( بس أنا رحمتة ) ... قال يعنى قفل فى وشى باب الجنة!! نسى إن المنتدى دة بالناس اللى فية .. و إنة كفرد ولو حتى إدارى ولا يسوى شئ واحد بدون الناس دى .. و إن منتداة واحد من ضمن ملايين المنتديات و يكاد لا يذكر ... بس للأسف الأنسان لما بتبقى فى إيدة (سلطة) على شئ مبيقدرش يملك نفسة .. و بيتخدع فى خدعة بتجيبة الأرض و طبعا ممكن يكون فى سبب أخر (نفسى برضة ) جواك هو السبب فى رد الفعل دة ... بس مش هقولة ! معلش طولت عليكم ... بس الموقف اللى ممكن الناس تشوفة هايف دة ... علمنى حاجات كتيرة جدا جدا ... إتقى شر حاكم أهوج ناقص طائش خلوا بالكم يا جماعة من اللى هيحكم البلد !
| 
